გურმანები დამეთანხმებიან, რომ მწვანე ლობიოს მომზადების სხვადასხვა ვარიაცია არსებობს, თუმცა, მწვანე ლობიო ნიგვზითა და პომიდვრით, არსებულ ვარიანტებს შორის, ვფიქრობ, საუკეთესოა.
დაგჭირდებათ :
- მწვანე ლობიო – 1000 გრამი ;
- ნიგოზი – 200 გრამი ;
- პომიდორი – 3 ცალი ;
- ხახვი – 2 თავი ;
- ნიორი – 5 ლებანი ;
- ქინძი ;
- ოხრახუში ;
სუნელები : - წითელი წიწაკა ;
- ხმელი ქინძი ;
- ყვითელი ყვავილი ;
- მწვანე ლობიოს ვხარშავთ მანამ, სანამ მისი კანი საკმარისად არ დარბილდება;
- მოხარშვის შემდეგ გადმოვიღებთ საწურზე და დავკეპავთ;
- წითელ პომიდვრებს გავაცლით კანს, მოვათავსებთ ბლენდერში ნიგოზსა და წინასწარ დანაყულ ნიორთან ერთად;
- წვრილად დაჭრილ ხახვს მოვთუშავთ ზეთთან ერთად;
- მოთუშულ ხახვს დავამატებთ პომიდვრის მასას, დაჭრილ მწვანილებსა და სუნელებს.
- მიღებულ მასას ვადუღებთ 1-2 წუთის განმავლობაში და დავამატებთ დაკეპილ მწვანე ლობიოს;
- ვურევთ მანამ, სანამ მწვანე ლობიოსა და პომიდვრის მასა კარგად არ შეერევა ერთმანეთს;
- ვამატებთ მარილს გემოვნებით;
არ დაგავიწყდეთ, ნებისმიერი კერძის მომზადების მთავარი საიდუმლო კარგი განწყობაა !!!
გემრიელად მიირთვით !