გული საკუთარი ფუნქციის (ორგანიზმის სისხლით მომარაგება) შესასრულებლად რეგულარულად იკუმშება და დუნდება და ამ გზით გადაისვრის სისხლს მთელს სხეულში. მდგომარეობას, როდესაც გული ვეღარ ახდენს მონაცვლეობით შეკუმშვა-მოდუნებას ანუ არ ცემს რეგულარულად, ეწოდება გულის რითმის დარღვევა, იგივე არითმია.
არითმია შეიძლება მიმდინარეობდეს უსიმპტომოდ ანუ გამოვლინდეს მხოლოდ სამედიცინო შემოწმებისას ან ისეთი სიმპტომებით, როგორიცაა:
- გულის ფრიალი
- აჩქარებული გულისცემა (ტაქიკარდია)
- შენელებული გულისცემა (ბრადიკარდია)
- ტკივილი გულმკერდის არეში
- სუნთქვის უკმარისობა
- თავბრუსხვევა
- გულის წასვლა
მისი გამომწვევი უამრავი მიზეზი არსებობს, მათ შორის:
- მწვავე ან უკვე გადატანილი მიოკარდიუმის ინფარქტი
- კარდიომიოპათია
- გულის მკვებავი არტერიების დახშობა (კორონარული არტერიების დაავადება)
- მაღალი არტერიული წნევა (ჰიპერტენზია)
- დიაბეტი
- ფარისებრი ჯირკვლის ფუნქციის მომატება (ჰიპერთირეოზი)
- ფარისერი ჯირკვლის ფუნქციის დაქვეითება (ჰიპოთირეოზი)
- მწეველობა
- ალკოჰოლიზმი
- კოფეინის ჭარბი რაოდენობით მიღება
- ნარკომანია
- სტრესი
არითმიამ შეიძლება გაზარდოს ისეთი მძიმე დაავადებების განვითარების რისკი, როგორიცაა ინსულტი და გულის უკმარისობა.
დიაგნოზის დასმისათვის გამოიყენება შემდეგი ძირითადი კვლევის მეთოდები:
- ელექტროკარდიოგრაფია (ეკგ)
- ექოკარდიოგრაფია
- ჰოლტერის მონიტორი (ეკგ 24 საათიანი მონიტორინგი)
- დატვირთვის სტრეს-ტესტი
მკურნალობა მოიცავს როგორც მედიკამენტოზურ, ასევე კარდიოქირურგიულ პროცედურებსა და მანიპულაციებს.
http://www.allmedic.ge/adamianissimptomi/21/ariTmia/